هێمای واتادار لە کولتوور و ژیاری کورداندا

چاپکراوی نوێ
________
تازەترین کتێبی نووسەر و توێژەر، سارۆ خوسرەوی، بە نێوی (هێمای واتادار لە کولتوور و شارستانیەتی کورداندا),
لە لایەن وەشانخانەی ئەرزان لە ستۆکهۆڵم، چاپ و بڵاو کرایەوە.
نووسەر لەم کتێبەیدا، ئاوڕی لە هەندێک هێمای گرینگی وەک: (نەورۆز، شاماران، هەنار، شەوچلە، گاڤارەوەکووڵ، کوڕی سەیای، ئاور، خۆر و ڕۆشنایی) داوەتەوە. بەڕای نووسەر، ئەم هێمایانە، پەیوەندی و تێڕامانی مێژووی بۆ خاک و شارستانییەتی مرۆڤی کورد لە کوردستانی کەوناردا دەخەنەڕوو.
ئەو مەبەستی بووە بزانێت هێماکان تا چ ڕادەیەک ڕەگوڕیشەیان لە فەرهەنگ و شارستانییەتی کورداندا هەیە. پەیوەندی و تێڕامانی دیرۆکیی کوردان لەگەڵ ئەم هێمایانە بە چ شێوەیەک بووە.
نووسەر ئەو شوێنەی پێی کراوە پەرژاوەتە سەر هەندێک لە هێمانی زاگرۆس و شرۆڤەم بۆ کردوون. لەم کتێبەیدا لە بەستێنی تاوتوێکردنی هێما زاڵەکان، تا ڕادەیەک هەقیقەتی ڕێوایەتەکان خستووتە ڕوو و ڕاز و ڕەمزی گيڕانەوەکان بۆ نەوەی نوێی کوردان تاوتوێ کردووە.
نووسەر پێی وایە، بەشێکی زۆر لە ئەفسانە کوردییەکان
کۆ کراونەتەوە، بەڵام خوێندنەوەی وردیان بۆ نەکراوە، ئەمە بە تەنیا ناتوانێت بۆ خوێنەری کورد سوودبەخش بێت، لەبەر ئەوەی هەریەک لە ئوستوورە و ئەفسانە کوردییەکان، بەشێکن لە ڕوانگەی قووڵی مەعریفی و هێمای شارستانییەتی کوردان لە کوردستانی کەوناردا، هەربۆیە هاتووە ڕۆشنایی خستووەتە سەر ئەم مژارە و لێکدانەوەی بۆ چەند دانەێک لە ئەفسانە بەناوبانگەکانی کوردستان کردووە.
ئەم کتێبە نوێیەی سارۆ خوسرەوی، شایەنی خوێندنەوەیە!